За студент да стане психотерапевт – психодраматичар, треба да помине Програма за психодрамска едукација од вкупно 880 часа организирани во 4 години.

Психодрамската едукација се одвива преку групни сесии, а една групна сесија е во времетраење од 180 минути.

Сесијата се состои од 4 дела, од кои 3 се искуствени:

Загревање, На протагонист центрирана акција, Споделување;

И еден е едукативен: Процес, или дијалог, во кој се анализираат случувањата од сесијата и работата на директорот. Процесот го водат обучувачите.

Во текот на обуката, секој од студентите има обврска да работи како протагонист во „На протагонист центрирана сеанса“ и како директор / водител на група за време на цела сесија, односно трите искуствени делови: Загревање, На протагонист центрирана сеанса и Споделување. Процесот секогаш го водат обучувачите.

Дополнително, студентот има обврска да помине супервизирани 160 часа користејќи психодрама и психодрамски техники во практична работа со луѓе.

Како дополнување на практичната едукација, едукантите добиваат и вкупно 80 часови теоретска едукација. Сеансите се организирани во вид на презентација и групна дискусија каде се обработуваат теми од теоријата на психодрамата, психотерапијата и психологијата.

По завршување на обуката, секој студент поднесува есеј со кој го опишува личниот развој во процесот на обука, и полага психодрамски испит.

Секој студент што успешно ќе ја заврши обуката, се здобива со диплома за Психотерапевт – психодраматичар со која се потврдува дека тој / таа поседува вештини да употребува психодрама во својата работа.

За да се вклучат во Програмата за психодрамска едукација, кандидатите треба да:

1. Се на возраст од најмалку 23 години. Лица помлади од 23 години можат да започнат со работа во искуствениот дел од едукативната група;

2. Имаат завршено високо образование или последна година на студии на Факултетите по медицина, психологија, Факултет за социјални работи, дефектологија, педагогија, социологија и сродни дисциплини и науки;

Заинтересирани кандидати треба да испратат:

•  Професионална биографија и опис на актуелното искуство и едукација од психотерапија и евентуално клиничко искуство;
•  Лична биографија напишана на психотераписки начин;