Почетна - Ј. Л. Морено

Ј.Л Морено

Асоцијација за психодрамско искуство и обука

"Господине Фројд, јас почнувам таму каде вие завршувате. Вие ги анализирате луѓето во вештачкиот амбиент на Вашата ординација. Јас ги сретнувам во нивните природни средини – на улица, во парковите, во нивните домови. Вие ги анализирате нивните соништа. Јас ги учам повторно да сонуваат."

"Средба на двајца: очи во очи, лице во лице. И кога ќе ми бидеш блиску, јас ќе ги земам твоите очи и ќе ги ставам во моите, а ти ќе ги земеш моите очи и ќе ги ставиш во своите и јас ќе гледам со твоите, а ти ќе гледаш со моите очи)."

"Телото го памти она што умот го заборава"

За нас

Кои сме ние и која е нашата приказна

Почетоците на сегашното здружение се со формирање на група по психодрама во 1993 година од страна на д-р Александар Марцикиќ и д-р Бранислав Манчевски. Првите две години групата функционира како едукативно искуствена група (за едукација и личен раст и развој). Од 1996год. прераснува во едукативна група за клиничка и неклиничка едукација по психодрама.

Водителите на групата се едни од основачите на Македоската Асоцијација за Психодрама (МАП) во 1993 и се активни членови се до 1998 година кога престанува со работа.

Во 1999 година д-р Бранислав Манчевски се сели во САД, а групата продолжува да ја води д-р Александар Марцикиќ кој заедно со членовите учествуваат во возобновување на МАП (Македонска Асоцијација за Психодрама) во 2002 година, а д-р Александар Марцикиќ е Претседател на Асоцијацијата до 2006. Во тој период групата е дел од организаторскиот одбор на CCTD (Cross Cultural Training Days) што се одржа во Охрид во 2006год.

Мисија

Мисија на Здружението Ј.Л Морено е да се промовира, развива и зајакнува Психодрамата како приста во психотерапијата, личниот развој и разрешување конфликти

Визија

Широка употреба на Психодрамата како психотерапевтски метод меѓу луѓе од хуманистичките професии за справување со психолошки проблеми, животни предизвици, развојни кризи, меѓукултурни и меѓуетнички конфликти.

Цели и задачи на Здружението Ј.Л. Морено

Цели и задачи на Здружението Ј.Л. Морено: Здружението се фокусира на едукација и проширување на знаењата за психодрама и социодрама, како и на унапредување на хуманите релации во психосоцијалниот сектор. Поттикнува решавање на психосоцијални проблеми преку граѓански иницијативи и примена на психодрамска филозофија.

Активности

Следете ги активностите на Ј.Л. МОРЕНО

Годишно собрание на Ј.Л.Морено

На 14 Февруари, 2025 г. се одржа годишното собрание на Асоцијацијата, на кое беа разгледани сите планирани активности за тековната година. Точки на дневен ред беа: избор на нов претседател, дефинирање и распределување на обврските и поставување на јасни цели за наредните месеци. За нова претседателка беше изгласана Мила Радониќ, активен член на асоцијацијата повеќе од 10 години и член на Управен одбор во последните четири години.

Датум: 14/02/2025

Искуствена средба на членовите на асоцијацијата

Во месец јануари беше одржана првата искуствена психодрамска сеанса, која им овозможи на учесниците да се впуштат во процес на интеракција и самоистражување преку драматизација на сопствени искуства. Со користење на психодрамските техники таканаречени „проекција на иднината“ или „размена на улоги“ членовите работеа на поставување лични цели.

Датум: 11/01/2025

Контакт

Контактирајте нѐ за секое прашање

Ние сме тука да ви помогнеме! Без разлика дали ви треба дополнителна информација за нашите услуги или имате конкретно прашање, слободно обратете ни се. Пополнете ја формата или искористете ги достапните начини за контакт – нашата цел е да ви одговориме што е можно побрзо.

Стани член

Членови на здружението можат да бидат физички и правни лица. Членството во Здружението е доброволно. Постапката за стекнување на статус на член на Здружението се покренува со поднесување на пристапница чиј изглед и содржина ги одредува Управниот одбор. Членството во Здружението започнува од денот на издавање на потврда за приемот на пристапницата од страна на Претседателот на Здружението.

Членовите на Здружението плаќаат годишна членарина во износ од 1200 денари. Членовите на Здружението се заведуваат во матична евиденција и добиваат членски карти.