Во месец јануари беше одржана првата искуствена психодрамска сеанса, која им овозможи на учесниците да се впуштат во процес на интеракција и самоистражување преку драматизација на сопствени искуства. Со користење на психодрамските техники таканаречени „проекција на иднината“ или „размена на улоги“ членовите работеа на поставување лични цели.

Во психодрама, кога протагонистот работи/истражува ситуација од типот „што ако“, тоа обично се нарекува „проекција на иднината“ или „размена на улоги“.

Проекција на иднината: Оваа техника подразбира личноста да се замисли во некоја иднината и да ја истражи, како ќе се чувствува или како би се однесувала во некоја очекувана идна ситуација. Преку истражување на можните чувства и однесувања, личноста се подготвува за можните сценарија. На пример, тоа може да биде „што ако“ се донесе одредена одлука, како таа ќе влијае на одредени случувања во иднината.

Размена на улоги: Оваа техника се користи повеќе за разгледување на различни перспективи во тековни ситуации, но исто така може да се применува за „што ако“ сценарија. Личноста може да ја промени улогата со некој друг или да се стави во улога на своето идно „јас“, што му помага да истражи како би реагирала или како би се однесувала во различни околности.

И двете техники помагаат во стекнувањето увид и јасност во однос на можни идни ситуации или одлуки, овозможувајќи да се разјаснат чувствата и дејствата пред да се случат.