Кои сме ние и која е нашата приказна
Почетоците на сегашното здружение се со формирање на група по психодрама во 1993 година од страна на д-р Александар Марцикиќ и д-р Бранислав Манчевски. Првите две години групата функционира како едукативно искуствена група (за едукација и личен раст и развој). Од 1996год. прераснува во едукативна група за клиничка и неклиничка едукација по психодрама.
Водителите на групата се едни од основачите на Македоската Асоцијација за Психодрама (МАП) во 1993 и се активни членови се до 1998 година кога престанува со работа.
Во 1999 година д-р Бранислав Манчевски се сели во САД, а групата продолжува да ја води д-р Александар Марцикиќ кој заедно со членовите учествуваат во возобновување на МАП (Македонска Асоцијација за Психодрама) во 2002 година, а д-р Александар Марцикиќ е Претседател на Асоцијацијата до 2006. Во тој период групата е дел од организаторскиот одбор на CCTD (Cross Cultural Training Days) што се одржа во Охрид во 2006год.
На 30 Ноември 2007 год. групата прераснува во тренинг здужение Ј.Л. Морено. Здружението Ј.Л. Морено е еден од основачите на Македонската Асоцијација за Психотерапија (МПА) во октомври 2008година, која пак од јули 2009год. е членка на ЕАП (Европска Асоцијација за Психотерапија).
Во Февруари 2011 год. Здужението станува членка на ФЕПТО (Европска Федерација на тренинг организации по психодрама).
Мисија
Визија
Цели и задачи на Здружението Ј.Л. Морено
Тимот на Здружението Ј.Л. Морено
Д-р Александар е специјалист по психијатрија и европски сертифициран психотерапевт (психодраматичар) со 30 години клиничка пракса и 25 години психотерапевтска пракса, тренер за психодрама и супервизор, основач на Ј.Л.Морено – Асоцијација за психодрамско искуство и обука, ко-основач на Македонската асоцијација за психодрама, член на Европската асоцијација за психотерапија (EAP), директор на Евромедика – приватна ординација за психијатрија.
Мила е дипломиран психолог и магистер по развојна психологија, сертифициран психотерапевт – психодраматичар, и советник за трансакциона анализа, психотерапевт за поддршка на жени жртви на семејно насилство во Женски центар за поддршка – Скопје. Во јануари 2025 станува претседателка на Ј.Л.Морено -Асоцијација за Психодрамско искуство и обука,
Д-р Емилија е специјалист по психијатрија во Психијатриска болница „Скопје“, сертифициран психотерапевт – психодраматичар за клиничка употреба, основна обука за когнитивно- бихејвиорална психотерапија, член на управниот одбор на Ј.Л.Морено.
Елена е дипломиран психолог, сертифициран психотерапевт – психодраматичар, семеен и системски советник, сертифициран терапевт за работа со сторители на семејно насилство, сертифициран психодијагностичар, експерт истражувач во областа на родова еднаквост, родово базирано насилство, семејно насилство и ментално здравје на деца и адолесценти, член на управниот одбор на Ј.Л.Морено и извршна директорка на Националната мрежа против насилство врз жени и семејно насилство.
Стани член
Членови на здружението можат да бидат физички и правни лица. Членството во Здружението е доброволно. Постапката за стекнување на статус на член на Здружението се покренува со поднесување на пристапница чиј изглед и содржина ги одредува Управниот одбор. Членството во Здружението започнува од денот на издавање на потврда за приемот на пристапницата од страна на Претседателот на Здружението.
Членовите на Здружението плаќаат годишна членарина во износ од 1200 денари. Членовите на Здружението се заведуваат во матична евиденција и добиваат членски карти.